МАРГ БАР АСАРИ ЗАХМИ КОРД

Душанбе, 13 сентябр. (АМИТ «Ховар», Жасмин Назарова). — 11 сентябри соли равон шаҳрванд Худобахшов Алидод, соли таваллудаш 1984, истиқоматкунандаи шаҳри Хоруғ, ба беморхонаи марказии шаҳри Хоруғ бо ҷароҳатҳои захми корд дар тахтапушташ оварда шуд, ки дар натиҷаи ин захмҳо дар беморхона ҳалок гардид. Тавре аз дафтари матбуоти Вазорати корҳои дохилии ҶТ иттилоъ доданд, ҳангоми гузаронидани чораҳои фаврӣ-ҷустуҷӯӣ муайян карда шуд, ки ҷинояти мазкурро шаҳрвандон Мамадатоев Мақсад, соли таваллудаш 1989 ва Назармамадов Раҳимёр, соли таваллудаш 1989, истиқоматкунандагони шаҳри Хоруғ, содир намудаанд. Барои дастгир кардани Мамадатоев М. ва Назармамадов Р. корҳои фаврӣ-ҷустуҷӯӣ идома дорад.