МАЪЮБОН ҲАМ МОШИНСАВОРӢ МЕКУНАНД

Душанбе, 29 сентябр. (АМИТ «Ховар», Лаззат Диловарзод).- Бино ба маълумоти Хадамоти давлатии ташхиси тиббию иҷтимоии Вазорати меҳнат ва ҳифзи иҷтимоии аҳолӣ, яке аз вазифаҳои хадамот бо воситаҳои техникӣ таъмин намудани маъюбон аст.    Ба иттилои ҳамин манбаъ, хадамоти мазкур баъди муроҷиати маъюбон ба онҳо маълумотномаи махсус медиҳад, ки онҳо дар асоси он ба гирифтани  мошинҳои  бо даст идорашаванда,  аробачаҳои бепули худрав ва дастӣ ҳаракаткунанда, асобағал таъмин карда мешаванд.    Соли гузашта се маъюб бо мошинҳои бо даст  идорашаванда, 500 нафар бо аробача ва 100 нафар бо асобағал таъмин карда шуданд.    Соли ҷорӣ ин талабот бештар шудааст ва танҳо шумораи  маъюбони   ба аробача ниёздошта ба 560 нафар мерасад.