МУБОРИЗА БО ҚОЧОҚИ МАВОДИ ҲАСТАӢ

Душанбе, 24 сентябр. (АМИТ «Ховар», Фарангис Раҳимова). — Даври аввали гуфтушунидҳои Тоҷикистону Штатҳои Муттаҳидаи Америка оид ба баррасии лоиҳаи Нақшаи кории муштарак вобаста ба мубориза бо қочоқи ғайриқонунии маводи ҳастаӣ 22 сентябри соли 2010 дар шаҳри Душанбе баргузор гардид. Аз департаменти иттилоотии Вазорати корҳои хориҷии ҶТ ба хабарнигори Амит «Ховар» хабар доданд, ки дар мулоқот намояндагони вазорату идораҳои дахлдори Ҷумҳурии Тоҷикистон ва ҳайати Амрико иштирок намуданд. Тибқи иттилои манбаъ дар рафти гуфтушунидҳо, ҷонибҳо оид ба давом додани кор дар самти коркарди ниҳоии лоиҳаи Созишнома, бо мақсади имзои он ба мувофиқа расиданд.