МУЛОҚОТИ Э. РАҲМОН БО ЛИНН ПАСКО

23 сентябри соли 2010 Дар қароргоҳи Созмони Милали Муттаҳид Президенти Ҷумҳурии Тоҷикистон Эмомалӣ Раҳмон бо Муовини дабири кулли ин созмон оид ба масоили сиёсӣ Линн Паско мулоқот намуд. Дар мулоқот тафсилоту мушаххасоти ҳамкории Тоҷикистону Созмони Милали Муттаҳид баррасӣ шуд. Таваҷҷўҳи зиёд ба мушкилоти вобаста ба авзои кунунии Афғонистону Қирғизистон ва таъсири манфии он ба Тоҷикистон ва ҳамчунин ба роҳҳои рафъи мушкилоти сунъӣ дар роҳи рушди ҳамкории минтақавӣ дар Осиёи Марказӣ зоҳир карда шуд.