МУСОДИРАИ 14 КГ «ГЕРОИН»

Душанбе, 16 сентябр. (АМИТ «Ховар», Жасмин Назарова). – 14 сентябри соли равон ҳангоми гузаронидани чораҳои фаврӣ-ҷустуҷӯӣ аз ҷониби кормандони милисаи ноҳияи Фархор, дар ҳудуди деҳаи Шуркӯл, Сафаров Умархон, (соли таваллудаш 1965), истиқоматкунандаи деҳаи Советободи ноҳияи номбурда дастгир карда шуд. Тавре аз дафтари матбуоти Вазорати корҳои дохилии ҶТ иттилоъ доданд, ҳангоми кофтукови шахсӣ аз борхалтаи У. Сафаров 13 кг 930 гр маводи нашъадори «героин» дарёфт ва мусодира карда шуд. Нисбат ба ин далел парвандаи ҷиноӣ оғоз шуда, тафтиш идома дорад.