ОБЁРИИ 4 ҲАЗОР ГА ЗАМИНИ ТАШНАЛАБ

Душанбе, 28 сентябр. (АМИТ «Ховар», Лаззат Диловарзод).- Дар Вазорати кишоварзӣ вохӯрии вазир   Қосим Қосимов бо директори ташкилоти ҷамъиятии «Об барои ҳаёт» ҷаноби Ҷефри Диллон ва мутахассиси байналмилалӣ Ҷон Кук доир гардид,- иброз доштанд аз маркази матбуот ва иттилооти вазорат ба мухбири АМИТ «Ховар».    Мақсад аз ин вохӯрӣ муҳокимаи лоиҳаи «Озмоиши интиқолии обёрикунии Зафаробод», ки дар он устуворсозии ассотсиатсияҳои истифодабарандагони оби минтақаи Зафаробод, азнавсозии пойгоҳҳои обкашӣ, барқарории низоми обёрӣ ва интиқоли он ба 4 ҳазор гектар заминҳои обёришаванда пешбинӣ шудааст, мебошад.    Бино ба иттилои ҳамин  манбаъ, маблағи умумии лоиҳа 4,6 млн. доллари амрикоиро ташкил медиҳад.    Бино ба гуфти вазир, айни замон бо дастгирии созмонҳои байналмилалӣ дар ҶТ аз рӯи 4 лоиҳа дар соҳаи кишоварзӣ корҳо идома доранд.