РАҲМОНОВ ДАР МАРОСИМИ БУРЁКӮБОН ИШТИРОК КАРД
Душанбе, 14 сентябр.(АМИТ «Ховар», Марзия Саидова).-Бо ибтикори Вазорати маорифи Ҷумҳурии Тоҷикистон ва Шӯрои ректорони муассисаҳои таҳсилоти олии ҷумҳурӣ барои сокинони зарардидаи шаҳри Кӯлоб 13 хонаи истиқоматӣ сохта ба истифода дода шуд. Тибқи иттилои сардори маркази матбуоти Вазорати маорифи ҷумҳурӣ Ноилшо Нуралиев, дар маросими супоридани манзилҳои истиқоматӣ, ки 14 сентябр барпо гардид, Вазири маорифи ҷумҳурӣ Абдуҷаббор Раҳмонов, Раиси шаҳри Кӯлоб Ҳамид Абдуллоев ва ректорони мактабҳои олии мамлакат ширкат намуда, калиди хонаҳои истиқомfтиро ба соҳибонашон супориданд.