РАСОНИДАНИ ЗАРАР БА САЛОМАТӢ

Душанбе, 2 сентябр. (АМИТ «Ховар», Жасмин Назарова). –Рӯзи 1 сентябри соли ҷорӣ ба беморхонаи марказии шаҳри Душанбе шаҳрванд Тағоев Абдумаҷид, соли таваллудаш 1971, истиқоматкунандаи пойтахт бо захми бардоштаи корд барои муолиҷа бистарӣ карда шуд. Тавре аз дафтари матбуоти Вазорати корҳои дохилии ҶТ иттилоъ доданд, дар вақти гузаронидани чораҳои фаврӣ-ҷустуҷуӣ аз ҷониби кормандони шўъбаи бахши кофтукови ноҳияи Фирдавсӣ, шаҳрванд Сафарова Гавҳарбӣ, соли таваллудаш 1967, истиқоматкунандаи шаҳри Душанбе дастгир карда шуд, ки ӯ ин ҷиноятро содир намудааст. Нисбат ба ин далел парвандаи ҷиноӣ оғоз шуда, тафтиш идома дорад.