«РУЙХАТИ СИЁҲ» ДАР «КИТОБИ СУРХИ ТОҶИКИСТОН»

Сентябрь 21, 2010 09:13

         Душанбе, 21 сентябр. (АМИТ «Ховар», Лаззат Диловарзод).- Кумитаи ҳифзи муҳити зисти назди Ҳукумати Ҷумҳурии Тоҷикистон ба нашри нави «Китоби сурхи Тоҷикистон» омода аст,- иброз доштанд дар кумитаи мазкур ба мухбири АМИТ «Ховар».             Ба гуфти вазири соҳа Хурсандмурод Зикиров, аз чопи аввали «Китоби сурхи Тоҷикистон» 22 сол сипарӣ шуд ва дар ин муддат тағйироти зиёде дар ҳаёти набототу ҳайвонот дар ҶТ  ба амал омадааст.             Ба «Китоби сурхи Тоҷикистон» дар нашри соли 1988 — 223 намуди рустанӣ ва 162 намуди ҳайвонот дохил   шуда буд. Айни ҳол аз ҷониби олимони соҳа дар табиати мамлакати кӯҳсорамон 4 ҳазору 200 намуди рустаниҳои гулдор ва беш аз 13 ҳазор намуди ҳайвонот муқаррар гардидааст. Ҳамчунин аз тарафи олимони соҳа дар ин муддат маълумоти нави илмӣ ҷамъоварӣ шудааст, ки он имкон медиҳад  маълумоти қаблӣ дар бораи набототу ҳайвонот аз нав баҳогузорӣ гардад.             Аз сабаби  нобуд шудани набототу ҳайвонот «Рӯйхати сиёҳ» — и  онҳо тартиб дода шудааст. Айни замон ба ин рӯйхат паланги тӯронӣ, суғури Мензбир моҳии фуккалони -(бел фук)-и Сирдарё дохил карда шудаанд.             Ба гуфти ҳамин манбаъ, теъдоди нашри нави «Китоби сурхи Тоҷикистон» 50 ҳазор нусха пешбинӣ шудааст, ки ин аз чопи қаблӣ 20 ҳазор нусха зиёд аст.    

Сентябрь 21, 2010 09:13

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд