СӮҲБАТИ ФИОНА О’МЭЛЛИ БО ХАБАРНИГОРОН

    Душанбе, 16 сентябр. (АМИТ «Ховар», Фарангис Раҳимова). – Нимаи дуюми имрӯз нишасти матбуотӣ бо иштироки сенатори Ирландия, хонуми  Фиона О’Мэлли оид ба сафар ва фаъолияти кӯтоҳи худ дар Тоҷикистон, ки аз ҷониби Ҳукумати Ҷумҳурии Тоҷикистон ташкил шудааст, дар маркази ҷумҳуриявии «Иттилоот ва муошират» баргузор мегардад.    Тавре ба хабарнигори АМИТ «Ховар» аз сафорати Британияи Кабир дар Тоҷикистон хабар доданд, бо мақсади баланд бардоштани имкониятҳои васеи Ҷумхурии Тоҷикистон дар соҳаи туризм ва мусоидат намудан ба рушди иқтисодиёти мамлакат, созмони “Volunteer Service Overseas” сенатори Ирландия, хонуми  Фиона О’Мэллиро бо фаъолияти кӯтоҳи волонтёрӣ барои омӯхтан ва баланд бардоштани ихтисоси худ ба  Тоҷикистон бо ташрифи сайёҳони хориҷа даъват намуд. «Ӯ махсусан, барои баланд бардоштани фаъолияти мавҷудаи Кумитаи ҷавонон, варзиш ва сайёҳӣ ва Ҳукумати ноҳияи Панҷакент ва шарикони ӯ кор кард», — гуфт манбаъ.