САДАМАИ НАҚЛИЁТИИ МАРГОВАР ДАР ШАҲРИ ДУШАНБЕ

Душанбе, 16 сентябр. (АМИТ «Ховар», Жасмин Назарова). – 15 сентябри соли равон ронандаи автомашинаи тамғаи «ВАЗ-21099» Раҳмонов Шайдулло (соли таваллудаш 1992), истиқоматкунандаи шаҳри Ваҳдат, ҳангоми ҳаракат дар кӯчаи Айнӣ аз тарафи кӯчаи Дӯстии Халқҳо ба самти кӯчаи Зебонисо пиёдагардон, Файзуллоева Мунира (соли таваллудаш 1982), Сӯҳроби Сайёҳат (соли таваллудаш 2005) ва Юсуфи Сайёҳат (соли таваллудаш 2009), истиқоматкунандагони пойтахтро зада, аз пой меафтонад. Тавре аз дафтари матбуоти Вазорати корҳои дохилии ҶТ иттилоъ доданд, дар натиҷа Файзуллоева М. аз сабаби бардоштани зарари вазнини ҷисмонӣ дар беморхонаи «Ёрии таъҷилӣ» ба худ наомада, ба ҳалокат мерасад. Ноболиғон Сӯҳроби Сайёҳат ва Юсуфи Сайёҳат зарари ҷисмонӣ бардошта, дар беморхонаи «Ёрии таъҷилӣ» бистарӣ карда шудаанд.