СТРАТЕГИЯИ РУШДИ СОҲАИ МАОРИФ БАРРАСӢ ШУД

        Душанбе, 15 сентябр.(АМИТ «Ховар», Марзия Саидова).-Рӯзи дуюм аст, ки дар дараи зебоманзари Варзоб семинари серӯзаи кормандони Вазорати маорифи ҷумҳурӣ идома дорад. Дар он мушовирони байналмилалӣ, коршиносони созмонҳои байналмилалӣ, аз қабили Фонди Сорос, Бонки ҷаҳонӣ,  Ташкилоти техникии Олмон ва Хазинаи атфоли СММ иштирок доранд.          Сардори маркази матбуоти Вазорати маорифи ҷумҳурӣ Ноилшо Нуралиев ба АМИТ «Ховар» иттилоъ дод, ки дар семинар Стратегияи  рушди соҳаи  маориф барои солҳои 2011-2020-ум ва дигар масъалаҳои марбут ба ислоҳоти соҳаи маориф  дар Ҷумҳурии Тоҷикистон, истифодаи таҷрибаи байналмилалии таҳсилоти олӣ баррасӣ мегарданд.