ТАҶҲИЗОНИДАНИ ОЗМОИШГОҲИ БАЙТОРӢ

Душанбе, 28 сентябр. (АМИТ «Ховар», Лаззат Диловарзод).- Ташкилоти озуқа ва кишоварзии Созмони Милали Муттаҳид баҳри дастгирии Хадамоти назорати давлатии байторӣ дар омода намудани маълумотномаи  техникӣ  баҳри харидани  таҷҳизот  ва дигар маводи барои озмоишгоҳи байторӣ зарурӣ пайваста кӯмак мерасонад,- иброз дошт сардори хадамоти  мазкур Муллоҷон Амирбеков ба мухбири АМИТ «Ховар».    Ташкилоти озуқа ва кишоварзии СММ ба Корхонаи илмию истеҳсолии «Маводи биологӣ»-и Пажӯҳишгоҳи зоология ва паразитология ҳамкориҳои доимиро ба роҳ монда, пайваста кӯмаки техникӣ мерасонад.    Бо кӯмаки техникии Ташкилоти озуқа ва кишоварзии СММ озмоишгоҳи вирусологии Корхонаи илмию истеҳсолии  «Маводи биологӣ» пурра бо таҷҳизот ва лавозимоти замонавӣ таъмин ва ба кор омода гардидааст.