ТАШРИФИ ВАЗИРОНИ ЭНЕРГЕТИКАИ КИШВАРҲОИ УЗВИ ЭКО БА ДУШАНБЕ

Душанбе, 29 сентябр. (АМИТ «Ховар», Фарангис Раҳимова). –   1 октябри соли ҷорӣ вазирони энергетикаи Ҷумҳуриҳои Исломии Эрон Афғонистон, Покистон, Ҷумҳуриҳои Қазоқистон, Қирғизистон,  Озарбойҷон, Туркия, Туркманистон ва Ўзбекистон ҷиҳати иштирок дар ҷаласаи дуюми вазирони энергетика ва нафти давлатҳои аъзои Созмони ҳамкории иқтисодӣ, ки аз 29 сентябр то 1 октябри соли 2010 дар шаҳри Душанбе баргузор мегардад, ташриф меоранд. 2 октябр ташрифи ҳайати Ҷумҳурии Исломии Эрон ҷиҳати иштирок дар ҷаласаи ҳаштуми Комиссияи муштараки байниҳукуматии ҳамкориҳои тиҷоратӣ, иқтисодӣ, техникӣ   ва фарҳангии Ҷумҳурии Тоҷикистон ва Ҷумҳурии Исломии Эрон, ки дар ин рўзҳо дар шаҳри Душанбе баргузор мегардад, дар назар аст. Ҳамчунин худи ҳамон рӯз намояндаи махсуси Дабири Кулли Созмони Милали Муттаҳид, Роҳбари Маркази дипломатияи боздоранда дар Осиёи Марказӣ   ҷаноби Мирослав Енча ба мақсади анҷом додани мулоқот бо шахсони расмии ҷумҳурӣ бо Тоҷикистон сафар менамояд.