ТАЪСИСИ КОМИССИЯИ ТАФТИШОТӢ ОИД БА ТАРКИШ

Душанбе, 3 сентябр. (АМИТ «Ховар», Лутфия Эшонқулова). — Президенти Ҷумҳурии Тоҷикистон Эмомалӣ Раҳмон вобаста ба таркише, ки субҳи имрӯз дар бинои Шӯъбаи минтақавии мубориза бар зидди ҷиноятҳои муташаккилонаи назди Раёсати корҳои дохилии вилояти Суғди ВКД ҶТ  рӯй дод, комиссияи махсуси тафтишотӣ ташкил намуд. Тавре ба АМИТ «Ховар» ёрдамчии котиби Шӯрои амнияти Тоҷикистон Евгений Руднев хабар дод, комиссияро котиби Шӯрои амнияти Ҷумҳурии Тоҷикистон Амирқул Азимов роҳбарӣ мекунад. Ҳамчунин, манбаъ қайд намуд, ки аъзои комиссияи мазкур аллакай ба ҷойи ҳодиса сафар намуданд.                                                                                                 Тарҷумаи М. Анварӣ