ТАЪСИСИ СИТОДИ ҶУМҲУРИЯВӢ

Душанбе, 2 сентябр. (АМИТ «Ховар», Дилшодаи Ҷонмард).- Бо мақсади беталаф ва саривақт ҷамъоварӣ намудани ҳосили пахта ва мунтазам таҳти назорат қарор додани рафти ҷамъоварии ҳосил мувофиқи фармоиши Вазорати кишоварзӣ  аз 16 августи соли ҷорӣ таҳти рақами № 92 дар дастгоҳи марказии вазорат бо сардории муовини вазир Ш.Раҳимназаров ситоди ҷумҳуриявӣ таъсис гардид. Дар айни замон барои муайян намудани ҳосили интизорӣ (биологӣ) ва миқдори захираҳои пахтаи тухмӣ гурӯҳҳои апробаторон-назоратчиён аз ҳисоби кормандони вазорат  ва олимон дар вилоятҳо ва ноҳияҳои тобеъи ҷумҳурӣ  фаъолият доранд.