ТИРАНДОЗОНИ БЕҲТАРИН ДАР ТОҶИКИСТОН

Душанбе, 14 сентябр. (АМИТ «Ховар», Лутфия Эшонқулова). – Тибқи Қарори Анҷумани V-уми Шӯрои Марказии ДОСААФ-и Иттиҳоди Давлатҳои Мустақил аз 16 то 20 сентябри соли ҷорӣ мусобиқаи байналмиллалии варзиши тирандозӣ барои дарёфти «Ҷоми Иттиҳод» гузаронида мешавад. Мусобиқа дар Клуби ҷумҳуриявии варзиши тирандозии Ташкилоти ҷамъиятии мададгори мудофиаи Ҷумҳурии Тоҷикистон доир мегардад. Тавре ба АМИТ «Ховар» аз Кумитаи марказии ТҶММ ҶТ хабар доданд, баҳри дарёфти «Ҷоми Иттиҳод» тирандозони беҳтарини мақомоти қудратии давлатҳои Русия, Белоруссия, Озорбойҷон ва Қазоқистон ба Тоҷикистон ташриф меоранд.