ТУРИЗМ СОҲАИ АФЗАЛИЯТНОК

Душанбе, 28 cентябр .(АМИТ «Ховар» ,  Сангзода  Муслиҳиддин).-   Дирӯз  дар  толори  меҳмонхонаи  «Ҳаёт  Реҷенси»   нахустин   конфронси   миллии   туристии   Тоҷикистон  баргузор  гардид .  Конфронс  таҳти  шиори  «Туризм   яке аз  соҳаҳои   ояндадори     иқтисодиёти   миллӣ»  гузаронида  шуд .    Конфронсро   раиси  Кумитаи  ҷавонон ,  варзиш    ва  сайёҳӣ  Меликшо  Неъматов  ифтитоҳ  намуда , баъдан   муовини  Сарвазири   Ҷумҳурии Тоҷикистон  Руқия Қурбонова , намояндагони  вазоратҳо  ва  дигар  мутахассисони  варзида  пиромуни  мушкилот  ва  имконоти  соҳа баромад  намуда,  маърӯзаҳои  худро  пешниҳод  намуданд .   Қайд  гардид,  ки  соҳаи  туризм  яке  аз  соҳаҳои  афзалиятноки  кишвар  ба ҳисоб  меравад .  Ҳадафи  асосии  конфронс   ин    боз ҳам  мустаҳкам  намудани   соҳаи   туризм  дар  манотиқи  кишвар  ва ҳарчи    бештар  ҷалб  намудани   сайёҳони  хориҷӣ ба кишвари мо мебошад.