ВАЗИРИ НЕРӮИ ЭРОН БА ДУШАНБЕ МЕОЯД
Душанбе, 28 сентябр.(АМИТ «Ховар», Марзия Саидова).-Вазири нерӯи Ҷумҳурии Исломии Эрон Маҷиди Номҷӯй 30 сентябр ба Тоҷикистон меояд. Назар ба иттилои масъули бахши матбуоти Сафорати Эрон дар Душанбе Ҳусайн Ширхонӣ, ҳадафи сафари Номҷӯй ба Тоҷикистон иштирок дар ҷаласаи 8-уми Комиссияи муштараки байниҳукуматии иқтисодию тиҷоратии Тоҷикистону Эрон аст, ки рӯзҳои 29-30 сентябри соли равон дар Душанбе баргузор мегардад. Ҳамзамон, Ширхонӣ афзуд, ки зимни сафари худ вазири нерӯи Эрон Маҷиди Номҷӯй бо роҳбарият ва намояндагони баландпояи мақомоти Тоҷикистон дидору мулоқот намуда, роҳҳои густариши ҳамкориҳои иқтисодию тиҷоратии Тоҷикистону Эронро баррасӣ хоҳад кард. Дар сафар Номҷӯйро ба Тоҷикистон намояндагони мақомоти давлатию бахши хусусӣ ва роҳбарони ширкатҳои Эрон, ки дар иқтисодиёти Тоҷикистон, бахусус, иншооти муҳими стратегии Тоҷикистон саҳмгузоранд, ҳамроҳӣ менамоянд.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
