ВАЗОРАТИ КИШОВАРЗӢ ҲАМКОРИРО БО ХИТОЙ ВУСЪАТ МЕДИҲАД
Душанбе, 7 сентябр. (АМИТ «Ховар», Жасмин Назарова). – 6 сентябри соли равон вазири кишоварзии ҶТ Қосимҷон Қосимов муовини вазири Департаменти кишоварзии минтақаи мухтори Синзяну Уйғури Ҷумҳурии Мардумии Хитой Ли Хунюнро қабул намуд. Тавре аз дафтари матбуоти Вазорати кишоварзии ҶТ иттилоъ доданд, зимни вохурӣ вазир қайд намуд, ки ин сафари ҳайат дар асоси шартномаи байнидавлатии Тоҷикистону Хитой, ки моҳи майи соли ҷорӣ ҳини сафари кории Президенти Тоҷикистон ба минтақаи Синзяну Уйғур ба тасвиб расида буд, анҷом дода мешавад. Инчунин бо мақсади дар оянда васеъ намудани ҳамкориҳо, Вазорати кишоварзӣ дар якҷоягӣ бо Вазорати кишоварзии Хитой Созишномаи ҳамкорӣ ба имзо расонид. Ли Хунюн иброз намуд, ки ҷониби Хитой дар соҳаи технологияи нави кишти пахта дар зери плёнка, обдиҳии қатрагӣ хеле пешрафта буда метавонад, ҳамкориҳоро дар ин самт густариш диҳад. Инчунин, ҳамкориҳоро дар бахшҳои растанипарварӣ, чорводорӣ, паррандапарварӣ, байторӣ, сохтани корхонаҳои муштарак оид ба коркарди меваю сабзавот ва ворид намудани техникаҳои гуногуни кишоварзӣ, ки пеш аз ҳама ба сармоягузории хориҷӣ эҳтиёҷ дорад, ба роҳ мондан мумкин аст, — гуфт Ли Хунюн. Вохӯрӣ дар фазои ҳусни тафоҳум ва сатҳи баланди корӣ анҷом ёфт.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






