ҒАМХОРИИ ШАҲРДОРӢ БА КӮДАКОНУ НАВРАСОН

      Душанбе, 12 октябр.(АМИТ «Ховар», Марзия Саидова).-Дар асоси нақшаи шаҳрдорӣ дар ноҳияҳои Исмоили Сомонӣ, Сино, Фирдавсӣ ва Шоҳмансури пойтахт то охири соли равон майдончаҳои  варзишию фароғатӣ бо таҷҳизоти замонавӣ барои  кӯдакону наврасон  сохта ба истифода дода мешаванд.       Масъалаи мазкур дар ҷаласаи Мақомоти иҷроияи маҳаллии ҳокимияти давлатии шаҳри Душанбе, ки дар ҳузури Раиси шаҳр Маҳмадсаид Убайдуллоев баргузор шуд, баррасӣ гардид.         Майдончаҳои  варзишию фароғатӣ дар маҳаллаи 46, Камоли Хуҷандӣ, Теппаҳои Шарқӣ, 102,  кӯчаҳои  Деҳотӣ, Айнӣ, Н. Қарабоев, Афзалӣ, Гагарин ва хиёбони Рӯдакӣ бунёд мегарданд.        Тибқи иттилои котиби матбуотии Раиси  шаҳри Душанбе Шавкат Саидов, пудратчиёни сохтмони майдончаҳои варзишию фароғатӣ Ҷамъиятҳои дорои масъулияти маҳдуди «Меҳансоз», «ТиСМ», «Бедакиён», «Озарахш», «Ойзулӣ»,  «Ҳоҷӣ-Яъқуб», «Нивелир» ва «Иншоотсервис» мебошанд.