ҚАРОРИ БЕНАЗОРАТ
Душанбе, 7 октябр. (АМИТ «Ховар», Лаззат Диловарзод).- Имрӯзҳо онҳое, ки аз хизмати микроавтобусҳои шаҳрӣ истифода мекунанд ё аз қарори раиси шаҳр бехабаранд ё худ ҳимматбаланданд, ки бақияи маблағашонро барои мусофиркашонӣ талаб намекунанд. Ҳамагон ҳаққи кирои мусофиркашониро дар микроавтобусҳои «Чанху», «Хафей», «Хундай» 1 сомонӣ ва дар мошинҳои тамғаи «ГАЗЕЛ» 70 дирам пардохт мекунанд. Ин нарх рӯзҳои якшанбе дар роҳи «Корвон» — «Султони Кабир» боз як карат аз тарафи ронандаҳо қиммат карда мешавад , вале касе намепурсад, ки чаро чунин аст? Агар пурсанд ҳам ҷавоби носазоеро аз ронанда хоҳанд шунид. Бинобар ин «Даҳони пӯшида ҳазор тилло»,- гуфта мусофирон хомӯширо авлотар медонанд. Оё пардохти роҳкиро чунин қабул шудаст? Не, чунин нест,- мегӯянд онҳое, ки аз қарор огаҳанд. Тибқи қарори шаҳрдории шаҳри Душанбе аз 27 –уми майи соли 2008 рақами 255 нарх дар нақлиёти мусофиркашонӣ, ки бо истифода аз бензин ҳаракат мекунанд, барои ҳар як мусофир 90 дирам ва барои нақлиёти бо гази моеъ ҳаракаткунанда 70 дирам муайян шуда то имрӯз тағйир наёфтааст,- иброз дошт ҷонишини директори Корхонаи воҳиди давлатии «Душанбенақлиётхадамотрасон» Ҷумъахон Давлатов ба мухбири АМИТ «Ховар». Пас, агар чунин аст назорати амалӣ шудани қарори шаҳрдориро кӣ ба дӯш дорад, то ҳам нарх ба низом дарояд ва ҳам ронанда маданияти хизмат карданро ёд гирад!








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






