ҲОСИЛИ ДИЛХОҲИ КИШОВАРЗОН

Ваҳдат, 26 октябр. (АМИТ «Ховар», Зебо Давлатова).-Тавре сардори раёсати кишоварзии шаҳри  Ваҳдат Ҷамолиддин Сафаров ба хабарнигори АМИТ «Ховар» иттилоъ дод, соли ҷорӣ барои  зироаткорону боғу токпарварони  Ваҳдат соли номусоид омад.Агар деҳқонон солҳои қаблӣ аз сардию гармӣ ва хушксолӣ зарар медиданд, пас имсол онҳоро боронҳои пай дар пай ва боридани жолаҳои сахт ноумед сохт. Офатҳои   баҳори соли ҷорӣ  ба 533 гектар майдони гандум, 7 гектар пиёзи бехӣ, 51 гектар нахӯд, 55 гектар зағер, 38 гектар ҷав, 257 гектар боғ ва 333 гектар токзор зарари ҷиддӣ расонид, ки маблағи зарар 3 миллиону 683 ҳазор сомониро ташкил дод. Вале ба ҳамаи ин нигоҳ накарда,  дар аксари заминҳои зарардида кишти дубора ва себора гузаронида, баҳри бартараф намудани оқибатҳои офати табиӣ  ба қитъаҳои зарардида  ба таври илова   озуқа доданд. Ин буд, ки  меҳнати кишоварзон натиҷаи хуб дод ва онҳо имсол низ ҳосили дилхоҳ рӯёниданд.