ҶАЛАСАИ ФАРҲАНГӢ

Душанбе, 4 октябр. (АМИТ «Ховар», Дилшодаи Ҷонмард).- Имрӯз дар шаҳри Маскави Федератсияи Русия ҷаласаи навбатии Шӯрои Вазирони фарҳанги кишварҳои Иттиҳоди Давлатҳои Мустақил (ИДМ) баргузор мегардад. Дар кори ҷаласа, ки аз 4 то 6-уми октябр идома меёбад, масъалаҳои муҳими вобаста ба соҳаи фарҳанг ва ҳамкориҳои фарҳангӣ дар миқёси мамлакатҳои ИДМ баррасӣ  мешавад. Ҳамчунин, дар он Вазири фарҳанги Ҷумҳурии Тоҷикистон Мирзошоҳрух Асрорӣ иштирок ва баромад  менамояд. Дар ин бора аз маркази матбуоти вазорати фарҳанг иттилоъ доданд.