219 ЯРМАРКАИ ҶОЙИ ХОЛӢ ДАР ХАТЛОН

Душанбе 20 октябр (АМИТ «Ховар», Мурод Сотиев).- Аз аввали соли ҷорӣ дар вилояти Хатлон 219 ярмаркаи ҷойҳои холӣ гузаронида шуд. Тавре ба хабарнигори АМИТ «Ховар» аз Агентии давлатии ҳифзи иҷтимоӣ, аҳолӣ ва муҳоҷирати меҳнатии вилояти Хатлон хабар доданд, ки зимни баргузории ярмарка 2239 муассиса ва ташкилотҳо зиёда аз 32 ҳазор ҷойи кориро аз рӯи ихтисосҳои гуногун пешниҳод намуданд. Ин ярмаркаҳо натиҷа дод, ки 1822 нафар ба кор роҳхат гирифта, аз онҳо 1437 нафараш бо ҷойи кори доимӣ таъмин гардиданд. Ҳамчунин, як қисми хоҳишмандон ба таҳсил ва касбомӯзӣ фаро гирифта шуданд.