43 ГЕНЕРАТОРИ БАРҚИИ ФАЙЗОБОД

Душанбе, 26 октябр. (АМИТ «Ховар», Назокат Қодирова).-Роҳбарони муассисаҳои таълимӣ ва тандурустии ноҳияи Файзобод ба давраи тирамоҳу зимистони соли ҷорӣ тайёрии хуб дидаанд. Захираи ангишту ҳезум ва маводи сӯзишворӣ дар ноҳия фаровон аст.То ин дам 1000 тонна ангишт ва 375 метри кубӣ ҳезум захира шудааст. Дар ин рӯзҳо дар мактабҳои ноҳия шишабандии тирезаҳо ва дигар корҳои омодагӣ босуръат ҷараён дорад. Муассисаҳои таълимӣ ва бунгоҳҳои тиббии ноҳия бо 43 генератори барқдиҳанда  таъмин гаштаанд.  Ҳамаи ин ба хотири он аст, ки хонандагон дар давраи зимистони соли ҷорӣ аз сармову бебарқӣ азият накашанд.