44 кг ҲАШИШ ДАР БОРХАЛТАИ ШАҲРВАНДИ ӮЗБЕКИСТОН

Суғд, 25 октябр. (АМИТ «Ховар», Мавҷуда Анварӣ).- 23 октябри соли ҷорӣ дар натиҷаи гузаронидани чораҳои фаврӣ-ҷустуҷӯӣ кормандони ШКД ноҳияи Зафаробод дар ҳудуди заминҳои шаҳраки Х.Алиев, шаҳрванди Ҷумҳурии Ӯзбекистон Ҷиянов Фурқат Абдулҳатович, соли таваллудаш 1983, истиқоматкунандаи вилояти Сирдарё, ноҳияи Хавос, к. А. Навоӣ, х. 2, ҳ. 2, бекор, дастгир шуд. Зимни кофтуков аз борхалтаи дар дасташ буда 30 адад бастачаҳои селофанӣ, ки дар дохилашон 44 кг. 285 гр. маводи навъи ҳашиш ҷойгир буд, дарёфт ва мусодира шуд.             Дар ин бора ба хабарнигори АМИТ «Ховар» Маҳмадулло Асадуллоев-сардори маркази матбуоти ВКД ҶТ хабар дод.