АЗ БЕАҲАМИЯТИИ СОҲИБКОРОН БОЗОР ОТАШ ГИРИФТ

Октябрь 22, 2010 16:57

              Душанбе, 22 октябр. (АМИТ «Ховар», Сулаймон Холов).-Тибқи лоиҳаи шаҳрсозӣ ва бунёди марказҳои савдо дар шаҳри Кӯлоб дар ҳоли ҳозир се бозор ва беш аз даҳ маркази савдо то андозаи муайян талаботи ҳамарӯзаи шаҳрвандонро бо молу маҳсулоти ниёзи онҳо қонеъ мегардонанд. Зимни як санҷиши комиссияи вакилони мақомоти маҳалии шаҳри Кӯлоб маълум гардид, ки аксари ин марказҳои савдо бидуни талаботи санитарию гигиенӣ ва бехатарии сӯхтор сохта шуда, ҳатто аксари онҳо лоиҳаҳои мушаххаси меъморӣ надоранд.             Фаррух Ҳалимов сардори хадамоти оташнишонии шаҳри Кӯлоб дар бастагӣ ба мавзӯъ мегӯяд "Фақат баъди ислоҳи камбудиҳои муайянгардида ба марказҳои савдо иҷозаи фаъолият кардан дода мешавад".           Бояд гуфт, ки соли гузашта дар натиҷаи беаҳамиятии соҳибкорон яке аз марказҳои савдои бозори Саховат оташ гирифта, молу маҳсулоти он пурра нобуд гардида буд ва маҳз бо мақсади пешгирӣ намудани ҳолатҳои сар задани сӯхтор ин навбати зимни санҷиши комиссияи вакилони халқ дар гирду атрофи бозори "Саховат" фаъолияти чор маркази савдо то бартарафсозии камбудиҳои ошкоргардида манъ карда шуд.          Дар доираи тадбирандешиҳо ҷиҳати бехатарии сӯхтор бошад, масъулони хадамоти оташнишонии шаҳри Кӯлоб дар ҳамаи бозорҳои шаҳр пайваста машқҳои бехатарии сӯхторро доир менамоянд, ки тавассути онҳо кормандони бозору марказҳои савдо бо қоидаҳои бехатарӣ ҳангоми сар задани сӯхтор ва дигар ҳолатҳои фавқулодда шиносоӣ пайдо менамоянд.

Октябрь 22, 2010 16:57

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд