БАРҚИЯИ Э. РАҲМОН БА Қ. БЕРДИМУҲАММАДОВ
Душанбе, 28 октябр. (АМИТ «Ховар»).-Президенти Ҷумҳурии Тоҷикистон Эмомалӣ Раҳмон ба Президенти Туркманистон Қурбонгулӣ Бердимуҳаммадов барқияи шодбошӣ ирсол намуд, ки дар он аз ҷумла омадааст: Мӯҳтарам Қурбонгулӣ Маликгулиевич, Боиси сарфарозӣ ва фараҳмандии ман аст, ки Шумо ва тамоми мардуми туркманро ба муносибати солгарди Истиқлолияти давлатии Ҷумҳурии Туркманистон самимона шодбош мегӯям. Тӯли солҳои сипаригардида Туркманистони бародар бо роҳбарии Шумо ба дастовардҳои намоён дар соҳаи иқтисодиёт, баланд бардоштани сатҳи зиндагии мардум ноил гардида, нуфузу мартабаи он дар минтақа боло рафта, кишвари Шумо узви фаъоли созмонҳои ҷаҳонӣ гардид, ки ин барои таъмини амният ва сулҳу субот хизмат менамояд. Аз ин фурсати муносиб истифода бурда, мехоҳам бори дигар таъкид намоям, ки мо барои таҳким ва густариши ҳамкориҳои мутақобилан судманди байни ду кишвар дар бобати манфиатҳои дуҷонибаи давлатҳоямон, ки шаҳодати муҳими сулҳу субот ва шукуфоии Осиёи Марказӣ ба ҳисоб меравад, тамоми имконият ва кӯшишҳоямонро равона месозем. Иҷозат диҳед, ба Шумо Қурбонгулӣ Маликгулиевичи мӯҳтарам, саломатии бардавом ва барои шукуфоии Туркманистони бародар дастовардҳои назаррас орзу намуда, ба мардуми дӯсти туркман саодати рӯзгор ва сулҳро таманно намоям. Дар ин бора ба АМИТ «Ховар» аз маркази матбуоти сардори давлат хабар доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






