«ЧАКОМАИ ГЕСӮ» БА ДАВРИ НИҲОӢ РАСИД

Душанбе , 25  октябр . (  АМИТ  «Ховар» ,   Сангзода   Муслиҳиддин) . —  Имрӯз   нишасти   матбуотии    Кумитаи  кор  бо  занон    ва  оилаи  назди  Ҳукумати   Ҷумҳурии   Тоҷикистон    доир   гардид .    Нишасти   матбуотиро     Сумангул   Тағоева-  раиси   Кумитаи    мазкур  ифтитоҳ  намуда ,  зикр  намуд , ки  дар   давоми   се моҳи   соли  равон    ба  Кумита    73   аризаи   хаттӣ ва   128    муроҷиати   шифоҳии    шахрвандон  ворид   гардидааст.       Дар   нишаст    зикр   гардид ,    ки бо  мақсади   амалӣ   гардидани   Қарори  Ҳукумати   ҶТ  «Дар  бораи   тадбирҳои   баланд   бардоштани   мақоми  зан  дар  ҷомеа»    шумораи   заноне ,  ки  дар  мансабҳои   гуногуни   давлатӣ   фаъолият  доранд ,  ба 4793 адад  расидааст .                                       Роҳбарони Кумита  бахшида  ба  20-умин  солгарди  Истиқлолияти   давлатии  ҶТ  бо  мақсади   баланд  бардоштани    маърифати   худогоҳиву  хештаншиносӣ ,  пос  доштани   арзишҳои  миллӣ ,  густариши  фарҳанги  тоҷикон  ва  нигоҳ доштани    тарзи дӯхтан ва пӯшиши  либоси   миллӣ  Фестивали   ҷумҳуриявии   «Чакомаи    гесӯ»-ро   баргузор   намуда  истодааст ,  ки  айни  замон   давраи  дуюми   Фестивал  ба  анҷом  расида ,  омодагӣ  ба  даври  ниҳоии  он   ҷараён дорад    Дар   нишаст,  ҳамчунин зикр гардид, ки    бахшида   ба  таҷлили  Рӯзи     забони  давлатии ҶТ  вохӯрӣ    бо  100  нафар   донишҷӯдухтарони    Маркази   таълимии  «Чароғи  Ҳидоят»  бо  ширкати   намояндаи   Кумитаи    забон   ва  истилоҳоти   назди  Ҳукумати  ҶТ,  шоираҳо  ва   адибону  олимон  доир  гардид .