ИНШООТИ ҶАШНИИ БОХТАР

Душанбе,  22  октябр.  (АМИТ   «Ховар», Назокат Қодирова). —  Дар ноҳияи Бохтари вилояти Хатлон бахшида ба 20-умин солгарди Истиқлолияти Ҷумҳурии Тоҷикистон  дар 73  иншооти  ҷашнӣ корҳои  сохтмонӣ идома доранд.Аз ҷумла, сохтмони литсей-интернати президентӣ, хона-интернат, мактаби таҳсилоти ҳамагонӣ барои 450 ҷойи нишаст, Қасри фарҳанги ноҳия барои 200 ҷойи нишаст, варзишгоҳ ва дигар  иншоот торафт вусъати тоза меёбад. Ғайр аз ин дар се ҷамоати ноҳия-ҷамоатҳои Бохтар, Бохтариён ва Бӯстонқалъа бунёди мактабҳои наву замонавӣ босуръат ҷараён дорад.Баробари бунёд ва мавриди истифода қарор гирифтани ин иншооти ҷашнӣ 300 нафар мардуми ноҳия бо ҷойи кори доимӣ ва маоши мувофиқ таъмин мегарданд. Бояд гуфт, ки маблағгузорони ин иншооти ҷашнӣ Ҳукумати Ҷумҳурии Тоикистон, мақомоти иҷроияи ҳокимияти давлатии ноҳияи Бохтар  ва  соҳибкорони ноҳия мебошанд.