КОНФРОНСИ ЗАБОН ДАР САРИДОРАИ ГЕОЛОГИЯ

Душанбе, 4 октябр. (АМИТ «Ховар», Дилшодаи Ҷонмард).-Имрӯз дар Саридораи геологияи назди Ҳукумати Ҷумҳурии Тоҷикистон бахшида ба Рӯзи забони давлатӣ конфронси илмӣ таҳти унвони «Забони давлатии Ҷумҳурии Тоҷикистон ва коргузорӣ дар соҳаи геология» баргузор гардид.             Дар конфронс сардори  Саридораи геологияи назди Ҳукумати ҶТ Азим Иброҳим ва мудири шӯъбаи ташкилию ҳуқуқии Кумитаи забон ва ислоҳоти назди Ҳукумати Ҷумҳурии Тоҷикистон Ш.Ҷ. Мансуров оид ба мавқеи забони давлатӣ, мавзӯъҳои муҳимтарини он  маърӯза карданд. Суханронии  шахсони мазкур, хусусан, дар мавзӯъҳои ҳалталаби имрӯзаи забони давлатӣ мавриди баҳсу андешаҳои кормандони соҳаи геология ва иштирокчиёни ҳамоиш қарор гирифт.             Дар охир иштирокчиёни конфронси илмӣ ба саволҳои хеш нисбат ба Қонуни забони давлатӣ ҷавобҳои қаноатбахш гирифтанд