НАҚШИ БЕЛГИЯ ДАР СИЁСАТИ ТОҶИКИСТОН
Душанбе, 29 октябр. (АМИТ «Ховар», Мавҷуда Анварӣ).- 28 октябри соли ҷорӣ Ҳамрохон Зарифӣ-Вазири корҳои хориҷии Ҷумҳурии Тоҷикистон бо Даниэл Бертран-Сафири фавқулодда ва мухтори Шоҳигарии Белгия дар Ҷумҳурии Тоҷикистон мулоқот намуд. Зимни мулоқот масъалаҳои ҳамкориҳои дуҷониба байни Тоҷикистон ва Белгия, амнияти минтақавӣ, вазъияти Афғонистон, нақшаю барномаҳои густариши ҳамкориҳои минтақавӣ, идораи захираҳои гидроэнергетикӣ мавриди муҳокима қарор гирифтанд. Ҳамрохон Зарифӣ аҳамияти бузурги сафари расмии Президенти Ҷумҳурии Тоҷикистон Эмомалӣ Раҳмонро ба Мамлакати Белгия (9-12 феврали соли 2009) таъкид намуда, сатҳи муносибатҳои байни Ҷумҳурии Тоҷикистон ва мамлакати Белгияро аъло арзёбӣ намуд. Зарурати бозсозии иқтисодии Афғонистон аз тариқи амалӣ сохтани лоиҳаҳои дорои аҳамияти минтақавӣ дошта, аз ҷумла сохтмони роҳҳои оҳан ва автомобилгард, бунёди нерӯгоҳҳои барқи обӣ ва хатҳои интиқоли барқ таъкид гардид. Даниэл Бертран сатҳи муносибатҳои дуҷонибаро баланд арзёбӣ намуда, зикр дошт, ки сиёсати Ҳукумати Ҷумҳурии Тоҷикистонро оид ба мубориза бар зидди терроризм дастгирӣ мекунад ва баҳри густариши муносибатҳои миёни ду кишвар кӯшиш ба харҷ медиҳад. Дар ин бора ба АМИТ «Ховар» аз Департаменти Вазорати корҳои хориҷии ҶТ хабар доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






