НАХУСТПАРВОЗИ «СОМОН ЭЙР» БА ЧИН
Душанбе, 14 октябр. (АМИТ «Ховар», Мавҷуда Анварӣ). — Шаби 12 октябр, хатсайри аввалини ширкати ҳавопаймоии «Сомон Эйр» ба шаҳри Урумчии Ҷумҳурии Мардумии Чин тариқи ҳавопаймои Боинг сурат гирифт. Командири экипажи ҳавопаймо Файзулло Сатторов афзуд, ки барои парвози хатсайри мазкур пурра омода буда, кӯшиш менамояд, ки хизматрасонии дохили ҳавопаймо низ дар сатҳи баланд бошад. Роҳбарияти ширкат ба мусофирони аввалини ин хатсайр, ки шахсони дорои касбу кори гуногуни Тоҷикистон ва Чин буданд, тӯҳфаҳои хотиравӣ супорид. Кормандони фурудгоҳи байналмилалии Душанбе барои анҷоми бомуваффақияти парвози аввалини ширкати ҳавопаймоии «Сомон Эйр» дар хатсайри Душанбе-Урумчӣ-Душанбе хизматрасонии заруриро ба роҳ мондаанд. Дар назар аст, ки парвозҳо ҳар ҳафта як маротиба амалӣ шаванд. Дар ин бора ба хабарнигори АМИТ «Ховар» сардори маркази матбуоти фурудгоҳи байналмиллалии Душанбе Муҳаммадюсуф Шодиев хабар дод.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
