НАШРИ ТОЗАИ «АДИБ»

Душанбе, 7 октябр. (АМИТ «Ховар», Дилшодаи Ҷонмард).- Нашриёти «Адиб» маҷмӯи ҳикояҳои адибони Ҳиндустонро бо номи «Нафири Ҳинд» аз чоп баровард. Китоб дастагули зебову муаттареро мемонад, ки аз бӯстони ҳамешасабзи адабиёти мулки афсонавии Ҳиндустон омода гардидааст. Бояд гуфт, ки ҳикояҳои маҷмӯаи мазкурро шоираи ширинкаломи тоҷик Рафоати Саидаҳмад аз забони русӣ ба тоҷикӣ тарҷума намудааст Ҳамчунин, чанде қабл  тариқи нашриёти «Адиб» китоби «Тарбият» ба нашр расид.Муаллифи ин китоб орифи бузург, имомзода, профессор Иноятхон, зодаю парвардаи шаҳри Бороди Ҳинд мебошад.Китобҳои ӯ «Намунаҳои мусиқии Ҳинд», «Ба сӯи фурӯғ» ва ғайра дар асоси сӯҳбату суханрониҳояш аз ҷониби шогирдону ҳаводоронаш таҳия шудаанд. Рисолаи «Тарбият»  асарест, ки хондану баҳра бурдан аз он барои ҳар кас шарт аст. Ин асар ҳам барои омӯзгору сиёсатмадор, ҳам барои деҳқону бозаргон ва  ҳам барои олиму ориф яксон муфид аст. Китобро адиби тоҷик Юнус Юсуфӣ тарҷума ва таҳқиқ намудааст.