НОҲИЯИ АШТ-ПЕШСАФИ МУСОБИҚА
Душанбе, 22 октябр. (АМИТ «Ховар», Бекназари Абӯбакр). — Дар маркази вилояти Суғд – шаҳри Хуҷанд ҷамъбасти даври дуюми мусобиқаи маъракаи пахтачинӣ баргузор гардид. Тибқи иттилои сардори идораи кишоварзии вилоят Бобоҷон Домуллоев то имрӯз пахтакорони ноҳияи Айнӣ ва шаҳрҳои Конибодому Истаравшан нақшаи истеҳсоли пахтаро барзиёд иҷро кардаанд. Аз рӯи ҷамъбасти мусобиқа ҷои аввал насиби деҳқонони ноҳияи Ашт дониста шуд. Онҳо дар давоми 20 рӯз 2740 тонна ё ба андозаи 43,1 фоизи нақша ҳосил тайёр кардаанд. Ҷои дуюмро пахтакорони ноҳияи Бобоҷон Ғафуров сазовор шуданд, ки дар ин давра 6 ҳазору 636 тонна ё ба қадри 41,5 фоизи нақша пахта ҷамъоварӣ намуданд. Байни хоҷагиҳо кишоварзони Ассотсиатсияи деҳқонии Домулло Азизови ноҳияи Бобоҷон Ғафуров, 857 тонна ё ба қадри 61,2 фоизи нақша пахта ҷамъоварӣ намуда, ғолиби мусобиқа дониста шуд. Раиси вилояти Суғд Қоҳир Расулзода ба ғолибон дар вазъияти тантанавӣ вимпелҳои сайёр ва мукофотҳои пулиро ба маблағи 3000 сомонӣ, 2000 сомонӣ ва 1000 сомонӣ супорид. Қоҳир Расулзода бори дигар раисони шаҳру ноҳияҳо, роҳбарони хоҷагиҳои ҷамоавию деҳқониро вазифадор намуд, ки аз ҳамин рӯз эътиборан нархи чиниши пахтаро 60 дирам муайян намоянд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






