НОЗИРОНИ ТОҶИК БА БОКУ МЕРАВАНД

Душанбе, 22 октябр. (АМИТ «Ховар», Марзия Саидова).-Намояндагони Ҷумҳурии Тоҷикистон ба ҳайси нозирони байналмилалӣ ҷараёни баргузории интихоботи парлумонии  Озарбойҷонро, ки 7 ноябяри соли 2010 баргузор мешавад,  назора менамоянд.   Намояндагони Тоҷикистон аз сармутахассиси Комиссияи марказии интихобот  ва райъпурсии ҷумҳурӣ Раҷабмурод Ашӯров ва муовини раиси Кумитаи аграрӣ ва экологияи Маҷлиси намояндагони Маҷлиси Олии ҷумҳурӣ Талбак Салимов иборат буда, онҳо дар ҳайати нозирони Ассамблеяи байнипарлумонии Иттиҳоди Давлатҳои Мустақил интихоботи парлумонии Озарбойҷонро мушоҳида мекунанд.   Парлумони  Озарбойҷон –Миллӣ Маҷлис аз як палата иборат буда, дар он 125 вакил ба мӯҳлати 5 сол интихоб карда мешавад.