ОҲАНГИ МИЛЛӢ БО СОЗИ «СОЗТАРОШ»

   Душанбе, 21 октябр. (АМИТ «Ховар», Мавҷуда Анварӣ).-Корхонаи илмию истеҳсолии «Созтарош» тӯли моҳҳои сипаришудаи соли ҷорӣ ба миқдори 569 адад, яъне ба маблағи 41,2 ҳазор сомонӣ асбоби мусиқии миллӣ истеҳсол намудааст. Дар ҳамин давра корхона ба аксарияти шӯъбаҳои фарҳанги ноҳияҳои Вилояти мухтори кӯҳистони Бадахшон 8-9 ададӣ асбоби мусиқии миллӣ фурӯхтааст. Ғайр аз ин, корхона 14 адад асбоби мусиқиро ба маблағи 588 сомонӣ бо ашёи корӣ иваз намудааст. Даромади корхона 61, 6 ҳазор сомониро ташкил дод. Ҳоло дар корхонаи «Созтарош» асбоби гуногуни мусиқии миллӣ ба миқдори 294 адад ба маблағи 24, 1 ҳазор сомонӣ мавҷуд мебошад.