ОЛМОНИҲО ВА ТАБИАТИ ДИЛРАБОИ ТОҶИКИСТОН
Душанбе, 11 октябр. (АМИТ «Ховар», Пайрав Назаров). — Чанде қабл яке аз нашриёти намоёни аврупоӣ дастури сайёҳиро таҳти унвони «Tadschikistan: zvichen Dushanbe und dem Dash der Welt» («Тоҷикистон: Аз Душанбе то Боми ҷаҳон»), бо теъдоди зиёда аз 5000 нусха бо забони олмонӣ аз чоп баровард. Китоб аз ҷониби рўзноманигор ва сайёҳи маъруф Сония Билл таҳия шудааст, ки дар он аз боздидҳои зиёд ва шиносоияш бо табиати дилрабои Тоҷикистон нақл мекунад. Китоб, ки аз 276 саҳифа иборат аст, аз баррасии ҷуғрофияи манотиқи гуногуни кишварамон, қариб 20 харита ва нақшаи шаҳрҳо, зиёда аз 130 сурат ва очерку мақолаҳои муаллиф мураттаб гардидааст, ки барои эҳтиёҷи сайёҳони олмонизабон таҳия шудааст. Муаллиф дар муқаддимаи китоби хеш Тоҷикистонро «кишвари дорои баландтарин кўҳҳо, ғанитарин захираҳои обӣ, дарозтарин пиряхҳо, либосҳои гуногунранги занона» тавсиф намуда, афзудааст, ки «ошноӣ бо табиати Тоҷикистон душвориҳои худро дорад, аммо наҳаросед, зеро тоҷикон ҳамеша ба мадади шумо шитоб хоҳанд намуд». Дар ин бора аз Департаменти иттилоотии ВКХ ҶТ ба хабарнигори АМИТ «Ховар» хабар доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






