ПАХТА 201 ҲАЗОР ТОННА ШУД

Душанбе, 6 октябр. (АМИТ «Ховар». Лаззат Диловарзод).- Тибқи маълумоти фаврии Раёсати растанипарварии Вазорати кишоварзӣ, соли ҷорӣ аз аввали мавсими пахтачинӣ дар ҷумҳурӣ 201 ҳазор тонна пахта ҷамъоварӣ  шудааст, ки он ба 67 фоизи нақшаи солонаи ҷамъоварии пахта баробар аст. Ҷамъоварии пахта то рафт босуръат пеш меравад.    Ба иттилои ҳамин манбаъ, дар як рӯз бо кӯмаки чинакчиёни саҳмдор ва ёрдамчиён беш аз 7 ҳазор тонна пахта ҷамъоварӣ карда мешавад. Ин аст,ки тавассути заҳмати ҳаррӯзаи чинакчиён беш аз 2 фоиз пахта чида шуда, ба хирмани «Ҳосил — 2010» зам  мешавад.    Боис ба ёдоварист, ки соли ҷорӣ дурнамои истеҳсоли пахта ба миқдори 300 ҳазор тонна пешбинӣ шудааст.    Агар пахтачинӣ бо чунин суръат пеш равад, барои иҷрои нақша 16 рӯзи зарбдор басанда аст.