ПАРЧАМИ РАМЗИИ ВАЗОРАТИ ФАРҲАНГ

Октябрь 12, 2010 15:10

Душанбе, 12 октябр. (АМИТ «Ховар», Дилшодаи Ҷонмард).- Аз 3 то 9 октябри соли равон дар шаҳри Париж Симпозиуми чоруми байналмилалии «Мактабҳои олии фарҳанг ва санъат дар фазои таълимӣ: гуногуншаклии фарҳанги ҷаҳонӣ баҳри гуфтугӯ ва рушд» баргузор гардид, ки дар он муовини Вазири фарҳанги Ҷумҳурии Тоҷикистон Фароғат Азизӣ ва сардори шӯъбаи илм ва муасиссаҳои таълимии Вазорати фарҳанг Хуршед Низомов иштирок намуданд. Дар кори Симпозиум муовини Вазири фарҳанг Фароғат Азизӣ бо маърӯзаи «Моҳияти методикаи анъанавии таҳсилоти бадеӣ дар мактабҳои  олии фарҳанг ва санъати Тоҷикистон» баромад намуда, ҳамчунин, номаи шодбошии Вазири фарҳанги Тоҷикистон Мирзошоҳрух  Асрориро ба иштирокчиёни симпозиум қироат намуд. Тибқи Қарори Кумитаи тадорукот, Симпозиуми панҷуми байналмилалии мактабҳои олии фарҳанг ва санъат соли 2011 дар шаҳри Душанбе баргузор мегардад.  Парчами рамзии мактабҳои олии фарҳанг ва санъат ва эътимоднома ба унвони Вазири фарҳанги Ҷумҳурии Тоҷикистон Мирзошоҳрух Асрорӣ ва муовини Вазири фарҳанг Фароғат  Азизӣ супорида шуд. Дар ин бора аз маркази матбуоти Вазорати фарҳанг хабар доданд.

Октябрь 12, 2010 15:10

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд