РУСҲО БА ТОҶИКОН БАЛЕТ ОМӮЗОНДАНД

   Душанбе, 9 октябр. (АМИТ «Ховар», Дилшодаи Ҷонмард).- 8 октябр иштирокчиёни Рӯзҳои фарҳанги Федератсияи Русия дар Тоҷикистон ҳунармандони театри «Балети Кремлевский» дар Театри давлатии опера ва балети ба номи С. Айнӣ барои донишҷӯёни Коллеҷи ҷумҳуриявии хореографии ба номи Малика Собирова дарси маҳорати балет гузарониданд.    Ҳунармандони балети рус бо роҳбарии ҳунарманди халқии Федератсияи Русия Андрей Петров нозукиҳои ин касби олиро ба донишҷӯёни шӯъбаи балети Коллеҷи ҷумҳурии хореографӣ нишон дода, маслиҳатҳои муфид доданд.  Бояд ёдрас шуд, ки дар барномаи ҳунарии театри мазкур спекталклҳои ба саҳнагузоштаи устодони опера — М. Петипа, А. Горского, Л. Иванова, ҳамчунин балети хореографии муосир Ю. Григорович, В. Васильева, А. Петрова дохил мешаванд.    Хотиррасон мекунем, ки спектаклҳои «Балети Кремлёвский» аз тарафи мунаққидони худӣ ва хориҷӣ баҳои баланд гирифтаанд. Ҳунармандони театр бо намоишҳои худ бомуваффақият ҳам дар дохили Русия ва ҳам дар хориҷи кишвар сафарҳои ҳунарӣ менамоянд. Дар 20 соли мавҷудияти худ театр 64 сафарҳои ҳунарӣ намуда, дар 28 мамлакатҳои дунё намоишномаҳои ҷолиби худро гузоштаанд.     Дар ин бора аз маркази матбуоти Вазорати фарҳанг хабар доданд.