РУШДИ БЕМАЙЛОНИ САНОАТ ДАР БАДАХШОН

Бадахшон, 19 октябр. (АМИТ «Ховар», Л. Додо).-Дар нишасти матбуотие, ки бо ширкати раиси    ВМКБ Қодири Қосим баргузор гардид, зикр  шуд, ки нақшаи буҷа дар нўҳ моҳи соли ҷорӣ  112 фоиз иҷро шудааст. Маҳсулоти саноатӣ дар вилоят  нисбат ба нақша ба маблағи беш аз 2 млн сомонӣ бештар истеҳсол  гардид.             Ба хотири таъмири иншооти фарҳангию тиббӣ беш аз 7 млн сомонӣ  маблағ ҷудо гардид. Барои зимистонгузаронӣ 54 бунгоҳи фурўши ангиштсанг ва 13 бунгоҳи фурӯши гази моеъ  ташкил шудааст.             Дар вилоят соли ҷорӣ ярмаркаи ҷойҳои холии корӣ гузаронида шуд.Бо шарофати ташкили чунин ярмаркаҳо мардуми зиёди бекор соҳиби ҷойи кор ва маоши мувофиқ гардиданд.