ТАБИБОНИ ТОҶИК ДАР 32 КИШВАРИ ДУНЁ ФАЪОЛИЯТ ДОРАНД

Душанбе ,  12  октябр .  (АМИТ   «Ховар» ,  Сангзода   Муслиҳиддин ) . —    Дирӯз  нишасти   матбуотӣ   бо иштироки    ректори   Донишгоҳи   Давлатии  Тиббии   Тоҷикистон   ба  номи  Абӯалӣ  ибни   Сино  Убайдулло    Қурбонов    ва дигар     роҳбарони  ДДТТ   баргузор   гардид .  Убайдулло    Қурбонов   дар  назди  рӯзноманигорони    тоҷик  доир  ба  фаъолияти   кори  нӯҳмоҳа   ҳисобот  пешниҳод  намуда ,  зикр  намуд ,  ки   ДДТТ   ягона   Донишгоҳи  тиб  дар  ҷумҳурӣ   буда ,  ҳамчунин ,     аз  рӯи  ҳаҷми   корҳои  илмӣ- тадқиқотӣ дар байни  дигар   муасcисаҳои   таълимии   кишвар  пешсаф  мебошад .   Зимни  нишаст зикр гардид, ки  Донишгоҳ  зиёда  аз  32,5  ҳазор   мутахассисони      варзидаи  соҳаро   тайёр   намудааст , ки  онҳо  ҳам   дар дохили кишвар ва ҳам  дар 32  мамлакати   дунё   фаъолият  доранд .  Кормандони  ДДТТ   аввали   соли  2010 дар  самти   таълиму  тарбия ,  тадқиқоти   илмӣ  як  қатор  корҳои   муҳимро   ба сомон  расонида , ба   натиҷаҳои  назаррас  ноил   гаштаанд.