ТАБОБАТ БЕҲТАР МЕГАРДАД
Восеъ, 14 октябр. (АМИТ «Ховар», С. Холов).-Беморхонаи марказии ноҳияи Восеъ дар давоми 9 моҳи соли ҷорӣ 122 нафар беморонро муолиҷа ва вазъи саломатии онҳоро барқарор намудааст. Садриддин Неъматов, сардухтури беморхонаи мазкур вобаста ба ин мавзӯъ гуфт, ки беморхона дорои 212 кат буда, беморон бо тамоми шароити лозимӣ таъмин мебошанд. Ба гуфти ин манбаъ аксари беморон гирифтори бемории фишори баланд, ишемияи дил, садама ва дигар бемориҳо буда, айни ҳол дар беморхона муолиҷа гирифта истодаанд. Мавриди зикр аст, ки бо дастгирии раиси ноҳия Султон Валиев имрўз дар беморхона таҷҳизоти тиббӣ, аз қабили рентген, таҷҳизоти муоинаи меъда, ултрасадо, ва дигар таҷҳизоти лозимӣ, ки барои табобати беморон хеле заруранд, мавҷуд мебошанд. Инчунин, бояд зикр намуд, ки беморхона ба мавсими замистонгузаронӣ омода буда, то ин муддат дар ин ҷо 68 тонна ангишт, 140 куб ҳезум захира шудааст, ки барои мавсими зимистонгузаронӣ басанда мебошад. Қобили тазаккур аст, ки барои боз ҳам беҳтар гардидани шароити муолиҷаи беморон дар беморхона таҷҳизоти тиббӣ, аз ҷумла блоки ҷарроҳӣ барои шӯъбаи эҳёгарӣ, чароғҳои ҷарроҳӣ, таҷҳизоти рентгенӣ ва таъмири капиталӣ зарур мебошад.
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
