«ТОТО» ДАР «ДИДОР»
Душанбе, 8 октябр.(АМИТ «Ховар»,Марзия Саидова).-Беш аз 10 давлати ҷаҳон, аз ҷумла 5 кишвари Осиёи Марказӣ, Эрон, Афғонистон, Гурҷистон, Озарбойҷон, Русия, Литва, Фаронса, Шветсария, Амрико, Нидерландия дар чорумин ҷашнвораи синамои «Дидор» иштирок менамоянд. Ин чорабинии фарҳангӣ аз 12 то 16 октябри соли равон дар пойтахти ҷумҳурӣ шаҳри Душанбе баргузор мегардад. Дар ин хусус ба хабарнигори АМИТ «Ховар» директори ҷашнвора Сафар Ҳақдодов иттилоъ дод. Мавсуф афзуд, ки ҳадафи баргузории ҷашнвора таблиғи синамои асил буда, он аз соли 2004 инҷониб доир мешавад. Нахустин маротиба ҷашнвораи «Дидор» бо ибтикори коргардони шинохтаи эронӣ Мӯҳсини Махмалбоф ва ҳунармандони тоҷик бо кӯмаки созмонҳои байналмилалӣ гузаронида шуда буд. Сафар Ҳақдодов, афзуд, ки синамогарони тоҷик дар ҷашнвораи «Дидор» филми пурраметражи коргардонҳо Далер Раҳматов ва Гуландом Муҳаббатова «Бигузор ин ҳама дар хоб бошад» ва филми коргардони дигари тоҷик Искандар Усмонов «Тото»-ро ба намоиш мегузоранд. Дар маҷмӯъ, дар ҷашнвора 60 филм ба намоиш гузошта мешавад.Ҷашнвораи синамои «Дидор» бо ибтикори созмони ҷамъиятии «Дидор» ва Иттиҳодияи синамогарони Тоҷикистон гузаронида мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






