ВУСЪАТИ СОХТМОНҲОИ НАҚШАВӢ
Душанбе, 15 октябр. (АМИТ «Ховар», Дилшодаи Ҷонмард).-Тавре аз Агентии сохтмон ва меъмории назди Ҳукумати Ҷумҳурии Тоҷикистон ба мухбири АМИТ «Ховар» иттилоъ доданд, дар нӯҳ моҳи соли равон инвеститсияи сармояи асосӣ аз ҳисоби ҳамаи манбаъҳои сармоядиҳӣ ба маблағи 2 миллиарду 545 миллиону 300 ҳазор сомонӣ истифода шудааст, ки ин нисбат ба ҳамин давраи соли гузашта ба маблағи 260 миллиону 400 ҳазор сомонӣ зиёд мебошад. Дар сохтмони иншооти энергетикӣ ба маблағи 1 миллиарду 49 миллиону 300 ҳазор сомонӣ инвеститсияҳои сармояи асосӣ, аз ҷумла 510 миллиону 200 ҳазор сомонӣ маблағҳои буҷети давлатӣ ва аз ҷониби худи корхонаю ташкилот ва қарзҳои хориҷӣ ба маблағи 539 миллиону 100 ҳазор сомонӣ азхуд шудаанд. Ҳамчунин, дар ин муддат ба масоҳати умумии 512 ҳазору 100 метри мураббаъ хонаҳои истиқоматӣ ба истифода дода шуданд, ки ин нисбат ба ҳамин давраи соли гузашта 39 ҳазору 200 метри мураббаъ зиёд мебошад. Дар ин давра аз ҷониби Агентии сохтмон ва меъмории назди Ҳукумати Ҷумҳурии Тоҷикистон мактаби таҳсилоти умумӣ барои 8174 ҷойи нишаст, беморхонаи дорои 44 кат ва дармонгоҳ дорои 151 ҷойи қабул дар як баст ба истифода дода шуд. Бояд гуфт, ки дар давраи нӯҳ моҳи соли 2010 кормандони Агентӣ барои гузаронидани чорабиниҳои замистонгузаронии солҳои 2010-2011 ба маблағи 92674,0 сомонӣ корҳоро ба анҷом расонидаанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






