ЗИКРИ ХАЙР, ЗИНДА КУНАД НОМРО
Душанбе, 26 октябр. (АМИТ «Ховар», Мавзуна Бойева)- Имрўз дар назди бинои Театри давлатии академии опера ва балети ба номи С. Айнӣ маросими видоъ бо Ҳунарпешаи халқии СССР, Ҳунарпешаи халқии Тоҷикистон, овозхони маъруфи тоҷик, дорандаи орденҳои «Ленин», «Байрақи Сурхи Меҳнат» ва «Нишони фахрӣ» Ҳанифа Мавлонова баргузор шуд. Дар маросими видоъ ҳайати намояндагони сатҳи ҳукуматӣ, ҳунармандон, ҳамкасбон, шогирдон ва пайвандону наздикони марҳума ширкат варзида, дар бораи хидматҳои ҳунарманд ба миллати тоҷик суханронӣ намуданд. Аз ҷумла, Вазири фарҳанги ҶТ – Мирзошоҳрух Асрорӣ, директори Театри давлатии опера ва балети ба номи С. Айнӣ – Холаҳмад Маҷидов, директори Донишкадаи давлатии санъати Тоҷикистон- Аслиддин Низомов, ҳунарпешаи халқии Тоҷикистон – Оят Сабзаалиева ва дигарон зимни суханронии хеш қайд карданд, ки ӯ давоми фаъолияти худ осори гаронбаҳое барои таърих ва насли оянда боқӣ гузоштааст ва номи некаш ҳеҷ гоҳ аз ёдҳо нахоҳад рафт. Бояд гуфт пас аз маросими видоъ марҳума дар қабристони Сари осиёи шаҳри Душанбе ба хок супорида шуд. Дар ин бора аз маркази матбуоти Вазорати фарханги ҷумҳурӣ хабар доданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






