ҲАЙАТИ ПАРЛУМОНӢ БА ШОТЛАНДИЯ РАФТ

        Душанбе, 18 ноябр.(АМИТ «Ховар», Марзия Саидова).-Раиси Маҷлиси миллии Маҷлиси Олии ҷумҳурӣ Маҳмадсаид Убайдулоев, ки имрӯзҳо дар Британияи Кабир қарор дорад,  бо спикери Палатаи Обшини парлумони Британияи Кабир Ҷон Берков мулоқот анҷом дод. Зимни мулоқот ҷонибҳо изҳори омодагӣ намуданд, ки минбаъд робитаҳои байнипарлумонӣ дар сатҳи зарурӣ ба роҳ монда шуда, тамоми имкониятҳо тавассути муносибатҳои байнипарлумонӣ барои самаранокии ҳамкориҳои байниҳукуматӣ нигаронида хоҳад шуд.        Инчунин, Раиси Маҷлиси миллӣ М. Убайдуллоев бо муовини вазири корҳои хориҷии Британияи Кабир Сайман Фрейзер мулоқот карда, тавсеаи робитаҳои самарабахши Тоҷикистону Британияи Кабир, бахусус ба имзо расонидани Созишномаҳои байниҳукуматӣ оид ба ҳамкориҳои иқтисодию илмӣ-техникӣ, ҳимояи дуҷонибаи сармоя, саркашӣ намудан аз андозбандии дукарата ва пешгирии саркашӣ аз пардохти андозҳо аз даромад ва сармояро баррасӣ намуданд.           Тибқи иттилои ёвари Раиси Маҷлиси миллӣ Шавкат Саидов, баъди вохӯриҳо ҳайати парлумони Тоҷикистон ба Шотландия сафар намуд.