272 СӮИҚАСД БА ҶОНИ ХУД

Душанбе, 26 ноябр. (АМИТ «Ховар», Лаззат Диловарзод).- Дар даҳ моҳи соли ҷорӣ кӯшиши даст ба худкушӣ   задан бештар дар шаҳру ноҳияҳои Хуҷанд, Исфара, Истаравшан, Спитамен, Конибодом, Ашт, Ҷаббор Расулов, ва Бобоҷон Ғафурови вилояти Суғд мушоҳида шудааст.    Бино ба маълумоти Раёсати корҳои дохилии вилояти Суғд дар даҳ моҳи соли ҷорӣ 272 ҳодисаи даст ба худкушӣ   задани шаҳрвандон ба қайд гирифта шудааст.    Бино ба иттилои ҳамин манбаъ, 46 ҳодисаи даст ба худкушӣ  задан аз рӯи беморӣ, 56 ҳодиса бо сабаби  муноқишаҳои оилавӣ, 22 ҳодиса бо сабаби вазнинии иқтисодӣ   ва дар 85 ҳодиса шаҳрвандон бо сабабҳои дигар ҷони худро аз даст доданд. Аз ҷумлаи худкушикардагон 177 нафар бо роҳи овехтан, 12 нафар бо истифода аз корд, 52 нафар тавассути заҳролудшавӣ, 5 нафар бо роҳи худсӯзӣ, 10 нафар бо роҳи  ғарқшавӣ фавтидаанд.    Нисбат ба16 нафар барои ба худкушӣ расонидани шаҳрвандон парвандаи ҷиноӣ кушода шуда, баъди анҷоми тафтиш парвандаҳо барои моҳиятан баррасӣ шудан  ба суд интиқол дода шудаанд.